काठमाडौं, ८ भदौ । काठमाडौंको तिनकुनेमा टिपरले तीनवटा मोटरसाइकललाई ठक्कर दिँदा १ जनाको घटनास्थलमै मृत्यु भएको छ।
आइतबार साँझ एक टिपरले एकैपटक तीनवटा मोटरसाईकलाई किचेको र एक जनाको घटनास्थलमै मृत्यु भएको महानगरीय प्रहरी आयुक्त कार्यालयका प्रवक्ता एसएसपी श्याम ज्ञावलीले जानकारी दिए। उनका अनुसार एक टिपरले ३ ओटा मोटरसाईकलाई ठक्कर दिएको हो।
ठक्करबाट एक जनाको घटनास्थलमै मृत्यु भएको छ, भने अन्य २ जना गम्भीर घाइते छन्। मृतकको सनाखत हुन सकेको छैन। ठक्कर दिने टिपरको एकिन नखुलेपनि एक संकास्पद टिपरलाई नियन्त्रणमा लिएको एसएसपी ज्ञावलीले बताए।
