काठमाडौं । भारत प्रशासित जम्मु र काश्मिरका बारेमा विवाद चलिरहेका बेला मोदी सरकारले भारतीय कम्युनिष्ट पार्टी (माक्र्सवादी) का महासचिव सीताराम याचुरीलाई पनि पक्राउ गरेको छ ।
सिताराम याचुरीसँगै सो पार्टीका अर्का प्रभावशाली नेता डी राजा पनि पक्राउ परेका छन् । उनीहरु दुबै जनालाई कश्मीरको श्रीनगरमा नै पक्राउ गरिएको हो । याचुरीले आफुहरु पक्राउ परेकोबारे सामाजिक सञ्जाल ट्वीटरमार्फत जानकारी गराएका छन् ।
खासमा याचुरी अर्का नेता युसुफ तारागामीलाइ भेट्न कश्मीरको श्रीनगर गएका थिए । युसुफ तारागामी विरामी भएकाेले उनलाइ भेट्न जाने उनले पहिल्यै सरकारलाइ जानकारी पनि गराएका थिए । यो उनको पूर्व निर्धारित योजना रहेको बताइएको छ । तर, जब उनीहरु श्रीनगर विमानस्थलमा पुगे, त्यहाँ उनीहरुलाइ पक्राउ गरियाे । श्रीनगर विमानस्थलबाट उनीहरुलाई बाहिर निस्कनै नदिएर पक्राउ गरिएको भारतीय सञ्चारमाध्यमले बताएका छन् ।
यसैबीच भाकपा मार्क्सवादीले महासचिव याचुरीलाई गैरकानुनी रुपमा गिरफ्तार गरेर हिरासतमा राखेको भन्दै विरोध गरेको छ । बिहिबार याचुरी र डी राजाले कश्मीरका गभर्नर सत्यपाल मलिकलाई छुट्टाछुट्टै पत्र लेखेर आफ्नो भ्रमणको योजनाबारे जानकारी गराएका थिए । पत्रमा उनीहरुले आफ्नो भ्रमणका बेला कुनै पनि बाधा नआओस भन्ने चाहना व्यक्त गरेका थिए । तर, त्यसविपरित उनीहरुलाई कुनै जानकारी नै नगराएर विमानस्थलबाटै पक्राउ गरिएको भाकपा माक्र्सवादी बताएको छ ।
हिरासतबाटै याचुरीले अाफूहरुले कानुनी लडाइ लड्ने बताएका छन् ।
याचुरीकाे ट्वीटर पाेस्ट
Com D Raja and I were not allowed to leave Srinagar airport to meet our comrades. This detention at the airport is a violation of our democratic rights. We strongly protest this suppression of basic freedoms by the Centre and stand in solidarity with the people of Kashmir. https://t.co/M8TXD0mfs3
— Sitaram Yechury (@SitaramYechury) August 9, 2019
श्रीनगर विमानस्थलमा पक्राउ परेपछि नेता याचुरीले अाफ्ना काश्मिरका नेता युसूफ तारागामीलाइ सम्वाेधन गर्दै यस्ताे एउटा सानाे नाेट लेखेर छाेडेका थिए ।
