शासकहरु सधैं दासहरु खोज्छन्
उनीहरु बुख्याँचाहरु तयार गरेर
तिनकै टाउकोमा टेक्दै
राज्यसत्ताको बार्दलीमा उक्लिन्छन्
‘तिमीहरु बलिदान गर्न जन्मेका हौ’
‘तिमीहरू सहिद हुन जन्मेका हौ’
‘र शहीदभन्दा महान् अरु कोही हुँदैन ‘
‘युगलाई हाँक्ने चक्का हौ तिमीहरू’
इतिहासको प्रत्येक कुइनेटोमा
शासकहरु यसरी नै ब्रेनवास गर्छन्
वायुपंखी ऊर्जाधारी युवाहरूको
र घोडा बनाएर सत्ताको यात्रा गर्छन्
हट् घोडा हट् ! हट् घोडा हट् !
प्रत्येक शासकले सत्तारोहणसँगै
अाफूलाई घाेषणा गर्छ -युगनायक
नवीन युगको अारम्भकर्ता
र बफादार हनुमानहरु
यज्ञमा अर्पित अाहुतिझैं
तिनको पाउमा अाफूलाई समर्पित गर्छन्
इतिहासको रङ्गमञ्चमा दोहोरिरहन्छ
यही घीनलाग्दाे प्रहसन बारम्बार
कहिले मजाकको रुपमा
कहिले भयानक दु:स्वप्नको रुपमा
केवल फेरिन्छन्
शासक, हनुमान र किनाराका साक्षीका अनुहारहरु …
