भरतपुर, १२ असार । पेट दुख्ने समस्या भएका १३ बर्षीय छोरा सुजन लिएर भरतपुर अस्पताल आएकी कालिका नगरपालिका ९ शक्तिखोरकी माया चेपाङले एकै दिनमा उपचार गराउन सकिनन् ।
अस्पतालको टिकट काउन्टरमा लामो लाईन लाग्छ भन्ने थाहा पाएकी उनी विहानै ८ बजे आएकी थिईन् । बल्ल बल्ल विरामी छोरो डाक्टरलाई देखाएपछि भिडियो एक्स रे रगत, दिसा र पिसाबको जाँच गर्नुपर्ने भनियो ।
फेरि आधा घण्टा लाइन बसेर उनले डाक्टरभनेका जाच्का लागि रकम बुझाईन । प्रयोगशालामा रत, दिसा, पिसावको नमुना दिन र भिडियो एक्सरे गराउन पनि उत्तिकै कुर्नुपर्योे ।
भिड हुन्छ भनेर विहानै लाईनमा आएर बसे पनि सबै रिपोर्ट देखाउन भ्याईएन, मायाले भनिन् एकै दिन सबै रिपोर्ट नआाएकाले केहि रिपोर्ट मात्र डाक्टरलाई देखाउन भ्याए ।
