मोरङ।
मोरङ बेलबारीका पत्रकार दिनेश गिरीमाथि सांघातिक आक्रमण भएको छ । बेलबारी-१ स्थित घरमा बसिरहेको अवस्थामा गएराति पाँच/सात जनाको समुहमा आएका व्यक्तिले आफुमाथि आक्रमण गरेको उनले बताए ।
रड, ढुंगाको कुटाइबाट पत्रकार गिरीको टाउकोमा चोट लागेको छ । उनको विराटनगरस्थित नोवेल अस्पतालमा उपचार भइरहेको छ । पत्रकार गिरी बेतना एफएम तथा निरन्तर खवर डटकमका सम्पादक हुन् ।
यसैबीच पत्रकार गिरीमाथि अक्रमणमा संलग्न दुई जनालाई बेलबारी प्रहरीले पक्राउ गरेको छ । पक्राउ पर्नेमा बेलबारी -१ का विशाल थापा र बेलबारी – ३ का चित्र खड्का रहेका छन् । अन्य चार जनाभने फरार रहेको र उनिहरुको खोजी भइरहेको प्रहरीले जनाएको छ ।
नेपाल पत्रकार महासंघ मोरङ शाखाले आइतबार विज्ञप्ति जारी गरी पत्रकार गिरीमाथिको आक्रमणको विरोध गरेको छ । पत्रकार महासंघले क्रसर उद्योगको विषयमा समाचार लेखेकै भरमा सञ्चारकर्मीमाथी आक्रमण भएको भन्दै घटनामा संलग्नलाई पक्राउ गरी कारबाही गर्न माग गरेको छ ।
