काठमाडौं । नेपाली कांग्रेसले पार्टीका सातै प्रदेशका संसदीय दलका नेता र पार्टीका तर्फबाट मुख्यमन्त्री रहेका नेताहरूको बैठक बोलाएको छ।
पार्टी प्रवक्ता देवराज चालिसेका अनुसार आगामी वैशाख ६ गते आइतबार उक्त बैठक बोलाइएको हो। बैठकको समय भने अझै टुंगो लाग्न बाँकी रहेको उनले जानकारी दिए।
“आइतबार बैठक बोलाइएको हो, तर कति बजे बस्ने भन्ने समय तय हुन बाँकी छ,” प्रवक्ता चालिसेले बताए। बैठकमा समसामयिक राजनीतिक अवस्था र प्रदेशस्तरका गतिविधिबारे छलफल हुने जनाइएको छ।
