प्रत्येक परिणामकाे पछाडि एउटा कारण छ
मान्छे झुक्याउनलाई यहाँ मायावी अावरण छ
बृक्षबाट झर्नै पर्छ अाेइलाएपछि पातहरु
मान्छेकाे दुश्मन अाफ्नै तामसी अाचरण छ
पहिले जे अद्भुत लाग्छ हेर्दै जाउ,लाग्छ फिक्का
असाधारण त त्यो हाे जुन नितान्त साधरण छ
सुरक्षाघेरामा नै असुरक्षित छन् कानुनहरु
अदालतमै किन निसाफकाे अपहरण छ?
एक्लाे हुन काेही चाहँदैन,खाेज्छ भ्रमकाे साथ
अचेल लाम त्यहीँ छ जहाँ विषकाे वितरण छ
