काठमाडाैं । मनसुनी वायुको सामान्य प्रभाव आज सोमबार प्रदेश-१, मधेश प्रदेश, बागमती प्रदेश र गण्डकी प्रदेशमा रहेकाे छ । प्रदेश- १, मधेश प्रदेश, बागमती प्रदेश र गण्डकी प्रदेशका केही स्थानमा मेघगर्जन र चट्याङसहित हल्कादेखि मध्यम वर्षा भईरहेको माैसम पूर्वानुमान महाशाखाले जनाएकाे छ ।
अन्य प्रदेशका भू-भागमा भने स्थानीय वायुको तथा भारतको उत्तर प्रदेश र बिहारमा रहेको पूर्व-पश्चिमी न्यून चापीय रेखाको प्रभाव रहेको छ।
कर्णाली प्रदेश र सुदूर पश्चिम प्रदेशका भू-भागमा आंशिकदेखि सामान्य बदली हुनेछ । बाँकी भू-भागमा मौसम सामान्यतया सफा रहेको छ । यसै गरि दिउँसो भने प्रदेश-१, बागमती प्रदेश र गण्डकी प्रदेशमा सामान्य बदली तथा बाँकी भू-भागमा सामान्यदेखि आंशिक बदली रहनेछ। साथै प्रदेश-१, बागमती प्रदेश र गण्डकी प्रदेश, मधेश प्रदेश र कर्णाली प्रदेश र लुम्बिनी प्रदेशका पहाडी भू-भागका केही स्थानमा मेघगर्जन र चटयाङसहित हल्कादेखि मध्यम वर्षाकोसमेत सम्भावना भएकाे माैसम पूर्वानुमान महाशाखाले जनाएकाे छ ।
