चैत १६ , काठमाडौं । बहुक्षेत्रीय प्राविधिक तथा आर्थिक सहयोगका लागि बंगालको प्रयास (बिमस्टेक) को पाँचौं शिखर सम्मेलन आज बुधबारदेखि श्रीलंकाको राजधानी कोलोम्बोमा सुरू हुँदैछ ।
सम्मेलनमा आयोजक श्रीलंका, बंगलादेश, भारत, भुटान, नेपाल, थाइल्यान्ड र म्यानमार सहभागी छन् ।
प्रधानमन्त्री देउवाले मन्त्रिपरिषदको कार्यालय सिंहदरबारबाट भर्चुअल माध्यम बात बिहान ९ बजे सम्बोधन गर्दै हुनुहुन्छ ।
बिमस्टेक सम्मेलनमा सहभागी हुन परराष्ट्र मन्त्री डा. नारायण खड्का मंगलबार कोलोम्बो पुगिसक्नुभएको छ । आयोजक बाहेक अन्य सदस्य राष्ट्रका कार्यकारी प्रमुखहरुले भने सम्मेलनलाई भर्चुअल सम्बोधन गर्ने तय भएको छ । सदस्य राष्ट्रका विदेशमन्त्रीहरु तथा अधिकारीहरु सहभागी सम्मेलनको अध्यक्षता श्रीलंकाका राष्ट्रपति गोटवाया राजापाक्षेले गर्नु हुनेछ ।
बिमस्टेकको चौथों शिखर सम्मेलन सन् २०१८ मा काठमाडौंमा भएको थियो ।
