मङ्सिर ६, भक्तपुर । भक्तपुरका मानन्धर समुदायले लाेप हुने स्थितिमा पुगेकाे स्थानिय उत्पादन ताेरीकाे तेललाई ब्राण्ड बनाउनकाे लागि छलफल कार्यक्रम सम्पन्न गरेकाे छ । भक्तपुर चेम्बर अफ कमर्सले प्रबर्द्धन गर्ने भएपछि करिव हराइसकेकाे परम्परागत पेशालाई पुनर्उत्थान गर्न भक्तपुरका मानन्धरहरू अघि सरेका हुन् ।
भक्तपुर जिल्ला मानन्धर युवा संघकाे अगुवाइमा सम्पन्न गरेकाे प्रारम्भिक चरणको कार्यक्रममा भक्तपुर, मध्यपुर तथा सूर्यविनायक नगरपालिकाका विभिन्न टाेलमा बसाेबास गर्दै अाएका मानन्धरहरू सहभागी थिए ।
‘लाेप हुने तरखरमा रहेकाे मानन्धर समुदायको पुर्ख्याैली पेशाकाे रूपमा रहेकाे ताेरीकाे तेल उत्पादन गर्ने घरेलु उद्याेगलाई अब सामुहिक लगानीमा कम्पनीकाे रूपमा विकास गर्छाैं ।’ भक्तपुर चेम्बरका अध्यक्ष न्हुछेरत्न मानन्धरले जनाए । साना उद्याेगकाे रूपमा रहेकाे ताेरीकाे तेल उत्पादन गर्ने पेशा पुँजी तथा कच्चा पदार्थकाे अभाव, माैलिक उत्पादनकाे गुणस्तर सम्बन्धिकाे गुणदाेष बुझाउन नसकेर अाधुनिक बजारबाट लाेप हुँदै गएकाे उहाँकाे दाबी छ ।
भक्तपुरको गाेमारी टाेलमा सम्पन्न कार्यक्रममा पुर्ख्याैली पेशा अँगाल्दै अाएका साःकाेलान टाेल, टेखाच्व, तःपालाछि, गाेमारी तथा मध्यपुरकाे चाेडे टाेलका व्यवसायीहरू सहभागी थिए । दाेस्राे चरणमा गरिने कार्यक्रममा अन्य व्यवसाय गर्दै अाएका व्यवसायीहरूलाई समेट्ने बताइएको छ ।
हुनपनि भक्तपुरमा स्थानिय उत्पादनलाई ब्राण्ड बनाउनकाे लागि अरू संघसंस्थाहरूले पनि प्रयास गरिरहेका छन् । भक्तपुरको जुजु धाै, कालाे टाेपी, ह्याण्डीक्राफ्ट, लाेकल रक्सी, चिउरा, चाकु लगायतका स्थानिय उत्पादनलाई करकाे दायरमा ल्याएर वैध बनाउँदै लानुपर्ने देखिन्छ । सरकारी नीति तथा प्राेत्साहन अभावले करिव उस्तै उत्पादनहरू विदेशबाट अायात गरि उपभाेग गर्दा नेपाली मुद्रा विदेशिएका छन् । जुन राष्ट्रहितमा छैन । अब त्यस्ता उत्पादनलाई वैध बनाएर उद्याेगको रूपकाे विकास गर्नसके राेजगारी सिर्जना गरी स्थानिय उत्पादनले अन्तर्राष्ट्रिय बजारमा समेत प्रतिस्पर्धा गर्न सक्ने देखिन्छ ।
भक्तपुर चेम्बरले जिल्लाका जुझारू युवाहरूलाई समेटेर परम्परागत पेशालाई लाेप हुनबाट बचाउने अभियानै सञ्चालन गर्ने याेजना बनाएकाे छ । त्यसैले पुर्ख्याैली पेशाकाे रूपमा रहेकाे ताेरीकाे तेल उत्पादन, बजारीकरण तथा ब्राण्ड बनाउनकाे लागि संघले अध्ययन समिति बनाएको छ । समितिले सराेकारवाला पक्षलाई सहभागी गराएर कार्यक्रम सम्पन्न गरेकाे हाे ।
