काठमाडौँ। कोरोना संक्रमण केही कम भएपछि उपत्यकामा एक साता थपिएको निषेधाज्ञा केहि खुकुलो पारिएका छन्। जेठ मसान्तसम्म लगाइएको निषेधाज्ञालाई आज थप एक साता बढाउने निर्णय भएको हो ।
थपिएको निषेधाज्ञामा मंगलबारदेखि थप केही व्यवसायमा लगायिएको रोकलाई खुला गरिएको निर्णय उपत्यकाका तीनै जिल्ला प्रशासन कार्यालयले गरेका छन् ।
थपिएको निषेधाज्ञा अर्थतन्त्र लाइ सामान्य चलाएमान गर्ने स्वरुपका साथ् गतिविधि बढाउन लागिएको छ । जस अनुसार हाल ९ बजेसम्म मात्र सञ्चालन हुँदै आएका खाद्य तथा तरकारी पसल अब बिहान ११ सञ्चालन गर्न पाइने भएको छ । स्टेसनरी तथा प्रिन्टिङ प्रेस सम्बन्धि ब्यबसाय समेत ११ बजेसम्म संचालन गर्न दिने निर्णय भएको छ ।
काठमाडौंका सहायक प्रमुख जिल्ला अधिकारी जनकराज भट्टका अनुसार होटल , रेस्टुरेन्टहरूले भने टेकअवे सुविधा दिने गरि संचालन गर्न पाउने निर्णय भएको छ। होम डेलिभरी सेवाको हकमा ७ बजेसम्म खुला गर्ने निर्णय भएको छ ।
यसै गरि निर्माणसम्बन्धी सामग्रीका पसल साँझ ४ बजेदखि ६ बजेसम्म सञ्चालन गर्न पाइने भएको छ । त्यस्तै, सहकारी संस्थालाई समेत सञ्चालन गर्न दिने निर्णय भएको छ । सवारीसाधन मर्मत गर्ने वर्कसप बेलुका ९ बजेसम्म नै खुल्ने पाउने एस अगाडिको निर्णय येथावत रहेको छ । स्वास्थ्य सावधानी तथा मास्क लगाई सचेत रहँदै अब बिहान बेलुका हिँड्नेलाई बाधा नपार्ने पनि निर्णय भएको छ।
