विपक्षी पार्टीले लामो समयदेखि लगातार हिंसात्मक प्रदर्शन गरेर विरोध जनाएपछि राजिनामा दिएर राजनीतिक शरणका लागि मेक्सिको पुगेका बोलिभियाका पूर्व राष्ट्रपति एभो मोरालेसले आफ्नो ज्यानमाथि नै गम्भीर जोखिम देखिएको बताएका छन् । उनले देशमा आफ्नो ज्यानमाथि नै गम्भीर जोखिम देखिएपछि मेक्सिकोमा राजनीतिक शरण लिन बाध्य भएको बताएका छन् ।
मेक्सिकोमा अहिलेका लागि राजनीतिक शरण लिन पुगे पनि उनले आफू फेरि देशमा फर्किने पनि उनले बताएका छन् । राष्ट्रपतिबाट राजीनामा दिएको तेस्रो दिनमै मोरालेस राजनीतिक शरण लिन मेक्सिको पुगेका थिए । मोरालेसले देशमा थप रक्तपातको अवस्था नआओस् भन्नका लागि आफूले राजिनामा दिएको पनि प्रष्ट पारेका छन् । उनले आफू जनजाति किसान परिवारबाट भएका कारण पनि विरोध भएको पनि दावी गरेका छन् ।
गएको अक्टोबरमा भएको राष्ट्रपति चुनावमा धाँधली भएको भन्दै लगातार प्रदर्शन भएको तथा अन्तर्राष्ट्रिय परिवेक्षकले पनि चुनावमा धाँधलीको स्पष्ट प्रमाण भेटिएको भनेपछि मोरालेसले आइतबार राजीनामा दिएका थिए ।
मोरालेसलाई लिएर आएको मेक्सिकन जेट मेक्सिको सिटीमा रहेको विमानस्थलमा अवतरण भयो, त्यसपछि मोरालेसले त्यहाँ संक्षिप्त पत्रकार सम्मेलन गरेका थिए । आफूलाई पद छोड्न बाध्य पारिएको उनले बताए । मोरालेसले मेक्सिकोका राष्ट्रपति आन्द्रेस म्यानुएल लोपेज आब्राडोरप्रति आफू कृतज्ञ रहेको बताए । उनले आफ्नो जीवन जोगाएको मोरालेसले बताएका छन् ।
गएको अक्टोबर २० मा भएको चुनावबाट मोरालेस पुनः बोलिभियाको राष्ट्रपतिमा निर्वाचिन भएका थिए । तर सो चुनावमा गम्भीर धाँधली भएको भन्दै लगातार प्रदर्शन हुँदै आएको थियो ।
अन्तर्राष्ट्रिय परिवेक्षकले चुनावमा धाँधली भएका स्पष्ट प्रमाण भेटिएको र सो चुनावको नतिजा रद्द हुनु पर्ने बताएको भोलिपल्ट मोरालेसले राजीनामा दिएका हुन् । यसअघि मोरालेसले अदृष्य शक्तिका कारण आफू राजीनामा दिन बाध्य भएको भन्दै समर्थकलाई त्यसको विरोध गर्न भनेका थिए ।
बोलिभियाका पहिलो आदिबासी राष्ट्रपति मोरालेसलाई देशको सेनाका प्रमुखले सार्वजनिक रुपमै पद छोड्न सुझाव दिएका थिए । मोरालेस कोका किसान हुन् । उनले लामो समय कोकाको खेती गरेका थिए ।
उनी पहिलोपटक सन् २००६ मा राष्ट्रपतिमा जित हाँसिल गरेका थिए । उनले गरिबी विरुद्ध लड्ने तथा बोलिभियाको वित्त अवस्था सुधार गर्ने बताएर जितेका थिए ।
तर चौथोपटक राष्ट्रपति चुनावमा उम्मेदवार बन्नका लागि उनले संवैधानिक व्यवस्था लत्याए । यसरी संवैधानिक व्यवस्था लत्याएर अक्टोबरमा जितेको चुनावमा धाँधली भएको भन्दै विरोध भयो उनीविरुद्ध ।
उनीमाथि सत्ता छोड्न नचाहेर बोलिभियाको प्रजातन्त्रलाई अपमान गरेको आरोप छ । नयाँ चुनाव भएर नयाँ राष्ट्रपति नआउँदासम्म संसदकी उपसभामुखले अन्तरिम राष्ट्रपतिको जिम्मा सम्हाल्ने भएकी छन् । मोरालेससँगै उपराष्ट्रपति अल्भारो गार्सिया लिनेरा र सिनेटका अध्यक्ष एड्रिएना साल्भाटिएराले समेत राजीनामा दिएका थिए ।
विपक्षी नेतृले गरिन सडकबाटै आफैलाई राष्ट्रपति घोषणा
यसैबीच बोलिभियाकी विपक्षी नेतृ जिनाइन आनेफले आफूलाई देशको अन्तरिम राष्ट्रपति घोषित गरेकी छन् । दक्षिण अमेरिकी देश बोलिभियाको राष्ट्रपतिबाट एभो मोरालेसले राजीनामा दिएपछि विपक्षी नेतृ जिनाइनले आफूलाई अन्तरिम राष्ट्रपति घोषित गरेकी हुन् ।
मोरालेससँगै उपराष्ट्रपति अल्भारो गार्सिया लिनेरा र सिनेटका अध्यक्ष एड्रिएना साल्भाटिएराले समेत आइतबार राजीनामा दिएका थिए । जिनाइनले आफूलाई अन्तरिम राष्ट्रपति घोषित गरेपछि त्यसलाई औपचारिकता दिन बोलाइएको सिनेटको बैठक मोरालेसका पार्टीका सिनेटरले बहिष्कार गरे । अर्थात जिनाइनलाई अन्तरिम राष्ट्रपति घोषित गर्न बोलाइएको सिनेट बैठकमा कोरम पुगेन ।
तर जिनाइनले संविधान अनुसार आफू नै देशको अन्तरिम राष्ट्रपति रहेको र चाँडै चुनाव गर्ने बताएकी छन् । राजीनामा दिएका मोरालेसले जिनाइनको घोषणको गम्भीर आलोचना गरेका छन् ।
गएको अक्टोबरमा भएको राष्ट्रपति चुनावमा धाँधली भएको भन्दै लगातार प्रदर्शन भएको तथा अन्तर्राष्ट्रिय परिवेक्षकले पनि चुनावमा धाँधलीको स्पष्ट प्रमाण भेटिएको भनेपछि मोरालेसले आइतबार राजीनामा दिएका थिए ।