धादिङ, २१ असोज । प्राचीनकालदेखि महानवमीको दिन खेलिँदै आएको छेलो हान्ने प्रतियोगिता उत्तरी धादिङको झार्लाङमा सम्पन्न भएको छ ।
गाउँमा भएका मानिसमध्ये सबैभन्दा टाढासम्म १५ किलोग्रामको ढुङ्गा फाल्न सक्ने मानिसलाई सम्मानसाथ गाउँ घुमाइने गरिन्छ । राजेन्द्र तामाङ यस वर्षको छेलो विजेता घोषणा भएका छन् । उनलाई गाउँबासीले सोमबार माला लगाएर गाउँ परिक्रमा गराएको आयोजक टेकबहादुर तामाङले बताए ।
यसैगरि गोरु जुधाइ प्रतियोगितामा विजेता खनियाबास २ न्यान्चोका खल्डुप तामाङ र उपविजेता खनियाबास २ कै बमबहादुर तामाङ रहेका छन् । उनहरुलाई सो अवसरमा सम्मान गरिएको थियो । यस पर्वमा हरेक वर्ष गाउँको कोखिममा मेला लाग्छ ।
