सुभा , १० असोज । टोङ्गाका अर्थमन्त्री पोहिभा टु आई वान्टोआ नयाँ प्रधानमन्त्रीमा नियुक्त भएका छन । पूर्व प्रधानमन्त्री आकिलीसी पोहिभाको ठाउँलाई बान्टोआले प्रतिस्थापन गरेको हो । आकिलिसीको गत सेप्टेबर १२ मा निधन भएको थियो । टापुले भरिएको यस देशको मताङ्गी टोङ्गी अनलाइनका अनुसार टोङ्गा संसदमा भएको निर्वाचनमा वान्टेआ नियुक्ति भएका हुन ।
टोङ्गाका २३ जना सांसदले दिएको मतबाट उनि निर्वाचित भएको समाचारमा जनाइएको छ । सन् २०१० नयाँ सरकार प्रणालीअन्तर्गत प्रधानमन्त्रीको निर्वाचन प्रक्रियाअनुसार सदनका अध्यक्ष लर्ड फकाफानुआले प्रधानमन्त्रीको निर्वाचनको लागि आह्वान गरेका थिए । वान्टोआले अब नयाँ मन्त्रिमण्डल गठन गर्नु हुनेछ ।
