एजेन्सी ।
ग्वाटेमालामा शक्तिशाली ज्वालामुखी विस्फोटमा परि हराइरहेका खोजी तीब्र पारिएको छ ।
अग्नी नियन्त्रकलाई सेनाले समेत सघाइरहेको अधिकारीहरुले जनाएका छन् । मृत्यु हुनेको संख्या ६२ पुगे पनि यो संख्या बढ्न सक्ने आशंका गरिएको छ ।
ज्वालामुखी विष्फोटका कारण प्रभावित हजारौं मानिसलाई अस्थायी बसोबासको व्यवस्था गरिएको छ । राजधानी ग्वाटेमाला सिटीबाट करिब ४० किलोमिटर टाढा दक्षिण–पश्चिममा ज्वालामुखी विस्फोट भएको थियो ।
सयौंको संंख्यामा घाईते भएका छन् । ठूलो संख्यामा घरहरु पुरिएका छन् ।
ज्वालामुखीबाट करिब १७ लाख मानिस प्रभावित भएको ग्वाटेमाला सरकारले जनाएको छ । यो ज्वालामुखी सन् १९७४ पछिकै ठूलो भएको स्थानीयले बताएका छन् । (एजेन्सी)
