काठमाडौं । उत्तर कोरियाली नेता किम जङ–अन चार दिन लामो बेइजिङ यात्राबाट बुधबार सवदेश फर्किएका छन् । उत्तर कोरियाली सरकारी समाचार संस्था केसीएनले द्विपक्षीय सम्बन्धमा सुधार ल्याउन सो भ्रमणलाई कोसेढुंगा भनेको छ।
सात वर्षअघि सत्ता सम्हालेयता किमले पहिलो पटक विदेश भ्रमण गरेका हुन्। उत्तर कोरियाली नेता किम जङ–अनले कोरियाली प्रायद्वीपमा परमाणु निश्शस्त्रीकरण गर्नका लागि प्रतिबद्धता जनाएको चीनले बताएको छ। राष्ट्रपति सी जिनपिङसँग बेइजिङमा भएको भेटवार्ताका क्रममा किमको त्यस्तो प्रतिबद्धता आएको जनाइएको छ।
उत्तर कोरियाले गरेका प्रयासहरूलाई दक्षिण कोरिया तथा संयुक्त राज्य अमेरिकाले सद्भावका साथ लिए निश्शस्त्रीकरणको मुद्दा समाधान हुन सक्ने किमले जनाएका छन्।
अमेरिकी राष्ट्रपति डोनल्ड ट्रम्पसँग आगामी मे महिनामा हुने भनिएको शिखर बैठकअघि किमले चीनको भ्रमण गरेका छन्।
अमेरिकी राष्ट्रपति कार्यालय ह्वाइट हाउसका अनुसार, सो भ्रमण उत्तर कोरियामाथि अधिकतम दबाब प्रयोग गर्ने अभियानले प्योङयाङसँग वार्ता गर्न अनुकूल वातावरण बनाउनेतर्फ काम गरिरहेको थप प्रमाण हो।
सोलले पनि किमको चीन भ्रमणको स्वागत गरेको छ। एप्रिल महिनामा किमले दक्षिण कोरियाली राष्ट्रपति मुन जे–इनलाई भेट गर्दैछन्।
चीन उत्तर कोरियाको प्रमुख आर्थिक साझेदार हो र आसन्न शिखर बैठकहरु गरिनुअघि उसले बेइजिङसँग सल्लाह गर्ने सम्भावना अधिक भएको ठानिएको थियो।
WATCH: DPRK's Kim Jong Un attends a banquet and a luncheon held by China's Xi Jinping in Beijing. Kim also made a visit to an innovation exhibition of the Chinese Academy of Sciences. (Video/CGTN) pic.twitter.com/zBUearUgjs
— People's Daily, China (@PDChina) March 28, 2018
China's President Xi Jinping welcomes Kim Jong Un to China with a special ceremony as the North Korean leader makes his first foreign trip since he came to power in 2011. https://t.co/tNXJg7QnHL pic.twitter.com/i1JVnftlxF
— Bali Promotion Center ⭐️⭐️❤️⭐️⭐️ (@translatorbali) March 28, 2018
