श्रावण ७ ,काठमाडौँ। आफु अपहरणमा परेको भनि प्रहरीलाई झुक्यौदै आएका शिवराज रेग्मी पक्राउ परेका छन्। का.जि.का.म.न.पा.वडा नं.४ चुनदेवि बस्ने वर्ष ३० को रेग्मीले असार २४ गते देखि आफु हराएको , अपहरण परेको भनि निवेदन दिन लगाएका थिए। महानगरीय अपराध महाशाखाबाट अनुसन्धान तथा खोजतलासबात खटिएका प्रहरीले निज रेग्मीलाई मंगलबार राती नयाँ बसपार्क स्थित सुगन्ध होटलमा फेला परेका थिए ।
निज रेग्मी असार २४ गते विहान ६:०० घरबाट निस्की सम्पर्क विहिन भएको र अपहरणको नाटक गरी.नयाँ बसपार्क स्थित सुगन्ध होटलमा केटीसँग बसेको अवस्थामा फेला परेको प्रहरीले बताएको छ। प्रहरीको प्रारम्भिक अनुसन्धानमा निजलाई पक्राउ पर्ने बित्तिक्कै मौखिक रुपमा बुझ्दा निजले बिभिन्न ब्यक्तीहरूसँग जग्गा ब्यबसाय गर्छु भनि करोडौ रुपैयाँ लिएको र पैसा तिर्नु नपरोस भनि अपहरणको नाटक गरेको बुझिएको बताएको छ। अपहरणको नाटक गरि प्रहरीलाई अनावश्यक हैरानी दिई राज्यको स्रोत साधनहरूको समेत दुरूपयोग गराएको अभियोगमा निजलाई आवश्यक कारवाहीको लागि सम्बन्धित कार्यालयमा पठाईएको महाशाखाले जानकारी दिएको छ ।
