टोकियो । गोल्कोट संस्कृति संरक्षण समाज विकास मञ्चका अध्यक्ष रामबहादुर खत्री जापानमा सम्मानित भएका छन् । मञ्चको जापान शाखाले उनलाई सम्मान गरेको हो ।
जापानको साइतामा केनमा एक कार्यक्रमको आयोजना गरी मञ्चले खत्रीलाई सम्मान गरेको जनाएको छ । जापान भ्रमणका लागि पुगेका खत्रीलाई उनले समाजमा पुर्याएको योगदान र कामको कदर गर्दै सम्मान गरिएको गैर आवासीय नेपाली संघ जापानका युवा उपाध्यक्ष नविन निउरेले जानकारी दिए ।
मञ्चका जापान अध्यक्ष झविन्द्र खत्रीको अध्यक्षतामा सम्पन्न सम्मान कार्यक्रममा बमबहादुर खत्री विशेष अतिथि थिए भने डम्बर खत्रीले कार्यक्रम सञ्चालन गरेका थिए ।
