एजेन्सी । चीनको मोबाइल सञ्चालकहरुले आफ्नो देशका ग्राहकको लागि फाइभ–जी सेवाको सुरु गरेका छन् । योसँगै चीनले विश्वस्तरमा प्राविधिक मामिलामा ठूलो छलाङ मारेको छ ।
चीनको सरकारी मोबाइल सेवा प्रदायक कम्पनी चाइना मोबाइल, चाइना यूनी–कम र चाइना टेलिकमले बिहिबारलाई आफ्नो फाइभ–जी डाटा प्लानको घोषणा गरेको बीबीसीले जनाएको छ । चीन र अमेरिकाबीच व्यापार र प्राविधिक क्षेत्रमा संघर्ष भइरहेको समयमा यो घोषणा भएको छ।
चीनभन्दा अघि नै दक्षिण कोरिया, अमेरिका र ब्रिटेनले यही वर्ष आफ्ना देशमा फाइभ–जी नेटवर्कको सुरुवात गरिसकेका छन् ।
फाइभ–जी पाँचौ पुस्ताको मोबाइल नेटवर्क हो । फाइभ–जीमा इन्टरनेटको गति तीव्र हुने दावी गरिएको छ ।
चीनले फाइभ–जीको सेवा अघिल्लो वर्ष नै सुरु गर्ने बताएको थियो । तर उसले एक वर्ष ढिलो गरेर फाइभ–जी सेवाको सुरुवात गरेको छ ।
अत्यन्त तीव्र फाइभ–जी चीनको ५० सहरमा शुरु गरिएको छ । त्यसमा बेइजिङ र संघाई सामेल छन् । चीनको सरकारी एजेन्सी सिन्ह्वाका अनुसार फाइभ–जी डाटा प्लानको मूल्य १२८ युयान ९झण्डै २००० रुपैया० देखि ५९९ युआन (९६०० रुपैयाँ) बीचमा पर्छ ।
चीनमा फाइभ–जी नेटवर्कका लागि उपकरण त्यहाँको सबैभन्दा ठूलो सप्पाई कम्पनी हुवावेले गरेको हो ।
हुवावेले अन्य कयैन देशमा फाइभ–जी नेटवर्क स्थापित गर्न पनि महत्वपूर्ण भूमिका निभाइरहेको छ ।