काठमाडौं, २९ असार । नेपाली राष्ट्रिय क्रिकेट टिमका कप्तान पारस खड्काले बाढी पहिरो पीडितहरुमा नेपालको उपाधि समर्पित गरेका छन् । आइतबार नेपालले ट्वान्टी ट्यान्टी क्रिकेट प्रतियोगितामा मलेसियालाई पराजित ६ विकेटले पराजित गरेको हो ।
जितपछि नेपाली क्रिकेट टोलीका कप्तान खड्काले ट्वीटरमा एक पोस्ट लेख्दै यो उपाधि नेपालमा आएको बाढी र पहिरोमा परेर ज्यान गुमाउने र प्रभावित भएकाहरुमा समर्पित गरेको उल्लेख गरेका छन् । उनले भनेका छन्, ‘हामीले राम्रो जित पाएका छौँ । सबैको ठूलो योगदान रह्यो । समर्थनका लागि तपाइँहरु सबैलाई धेरै धन्यबाद’ कप्तान खड्काले ट्वीटमार्फत भनेका छन्, ‘हाम्रो जित बाढी पहिरोमा ज्यान गुमाएकाहरु र त्यसबाट प्रभावितहरुमा समर्पित गर्दछौँ । जय नेपाल ।’
ट्वीटर सन्देशमा कप्तान खड्काले सबै टीमको मेहनतले आजको खेल जितेको तर नेपालमा भने बाढी पहिरोका कारण दुःख रहेको भन्दै त्यसप्रति आफ्नो उपाधि समर्पण गरेका हुन् । मलेसियाविरुद्ध दुई खेलको सिरिजमा २–० ले क्लिन स्विप गरेको नेपालका लागि यो उत्कृष्ट जित भएको पनि उनले बताएका छन् ।
मलेसियाविरुद्ध पहिलो खेल ७ विकेटले जितेको नेपालले दोस्रो खेल ६ रनले जितेको हो । मलेसियाबाट नेपाली टोली टी–२० विश्वकपको एसिया क्षेत्र छनोटको फाइनल यात्राका लागि सिंगापुर जाने छ । ६ साउनदेखि सिंगापुरमा सुरु हुने प्रतियोगितामा नेपालसँगै सिंगापुर, मलेसिया, कुबेत र कतार छन् ।
यस्ताे छ कप्तान पारसकाे ट्वीट सन्देश
Good win last couple of days..Great effort from everyone..
Thank you all for the support..
Our victory dedicated to the all people who have lost lives and been affected by the floods and landslides..
Jai Nepal …!! pic.twitter.com/3lSnvJEWqX— Paras Khadka (@paras77) 14 July 2019
