काठमाडाैं, १४ पुस । निर्मला पन्तकाे हत्या सम्बन्धि प्रमाणहरु क्रमश: लुकाएर घटनालार्इ रहस्यमय बनाएकाे कन्चनपुर प्रहरीले एक पत्रकारलार्इ दुर्व्यवहार गरेकाे खुलेकाे छ । प्रहरीले नेपाल टेलिभिजनमा कार्यरत पत्रकार पदमराज बाेहाेरालार्इ दुर्व्यवहार गरेकाे हाे ।
महेन्द्रनगर नगर विकास समितिको जमिन प्रकरणको समाचार संकलनका क्रममा होटल ओपेरा नजिक पुगेका पत्रकार बाेहाेराकाेे परिचय पत्र च्यातेर फाल्नुका साथै दुर्व्ववहार गरेकाे छ । साथै प्रहरीले उनकाे क्यामेरा समेत फुटाइदिएको छ ।
यसैबीच नेपाल पत्रकार महासंघ कञ्चनपुरले पत्रकार बोहरामाथि प्रहरीले गरेकाे दुर्ब्यवहारप्रति कडा निन्दा गरेकाे छ । उनलाई प्रहरीले हिरासतमा लिइ शौचालयमा थुनेर ज्यान मार्ने धम्की समेत दिएकाे भन्दै महासंघ कन्चनपुर शाखाले आपत्ति जनाएको छ। साथै महासंघले घटनाको छानविन गर्न र दोषी प्रहरीमाथि कारबाही गर्न पनि माग गरेको छ।
नेपाल पत्रकार महासंघ कन्चनपुर शाखाका सचिव अमरबहादुर चन्दले जारी गरेको विज्ञप्तिमा दोषी प्रहरी उपर कारवाही नगरिए महासंघ आन्दोलनमा उत्रने चेतावनी दिइएको छ।
